वीरगंज,२५ चैत । बाराको विभिन्न ठाउँमा सडक दुर्घटना हुंदा एकजनाको मृत्यु भएको छ भने चारजना घाइते भएका छन् ।
पूर्व–पश्चिम गण्डक नहर सडकअन्तर्गत बाराको पचरौता नगरपालिका–९ कुडवामा बिहीवार राति भएको मोटरसाईकल दुर्घटनामा एक जनाको मृत्यु भएको छ । भने, एक जना गम्भीर घाइते भएका छन् ।
तेलकुवाबाट सिम्रौनगढतर्पm जाँदै गरेको बि.आर.०५ ए.एस. ७५८६ नम्बरको मोटरसाईकल आफै अनियन्त्रित भई नहरमा खस्दा मोटरसाईकलमा सवार सिम्रौनगढ नगरपालिका ९ बस्ने ६० वर्षीय रामजनम यादवको मृत्यु भएको हो । दुर्घटनामा सोही स्थानका बिरेन्द्र यादव गम्भीर घाइते भएका छन् । तीव्र गतिमा रहेको मोटरसाईकल अनियन्त्रित भई नहरमा खस्दा दुवै जना गम्भीर घाइते भएको जिल्ला प्रहरी कार्यालय बाराका प्रवक्ता डिएसपी राजेश थापाले बताए ।
प्रहरी चौकी लंगडाको सहयोगमा घाइते दुवै जनालाई उपचारको लागी रोशन अली अस्पताल वीरगंजमा लगिएको थियो । त्यहाँ उपचार सम्भव नभएपछि उनीहरूलाई थप उपचारको लागी नेशनल मेडिकल कलेज वीरगंजमा भर्ना गरिएको थियो ।
यसैगरी प्रसौनी गाउँँपालिका –५ ऋषभ पेट्रोल पम्प नजिक मोटरसाइकलले ठक्कर दिदाँ पैदल यात्री गम्भीर घाइते भएका छन् ।
वीरगंज–कलैया सडकखण्डमा कलैया तर्पm आउँदै गरेको ना४८प ३९५७ न को मोटरसाइकलले पैदल यात्री परवानीपुर–५ बस्ने वर्ष ३५ का सुभाष महतोलाई ठक्कर दिएको थियो । घाइतेको उपचार वीरगंजमा भइरहेको छ भने मोटरसाइकललाई प्रहरीले नियन्त्रणमा लिएको छ ।
यसैगरी निजगढबाट चपुरतर्पm जादै गरेको ना.१० प. ३५९८ न.को मोटरसाइकललाई ना.२३ प. न.को मोटरसाइकलले पछाडिबाट ठक्कर दिदां रौटहट गुजरा न.पा.– ५ बस्ने महम्द हुसेन मंसुरी घाइते भएको जिल्ला प्रहरी कार्यालय बाराका प्रहरी नायब उपरीक्षक एवम् प्रवक्ता राजेश थापाले बताए । ना २३ प न.को मोटरसाइकल चालक जिल्ला बारा निजगढ न.पा. ९ बस्ने वर्ष १८ को सुजन पुडासैनी पनि घाइते भएका छन् । उनीहरु दुवैको उपचार नेशनल मेडिकल कलेजमा भइरहेको छ ।
