![](https://onlineradionepal.gov.np/wp-content/uploads/2021/12/%E0%A4%95%E0%A4%A8%E0%A5%8D%E0%A4%AF%E0%A4%BE-%E0%A4%AE%E0%A4%BE.%E0%A4%AC%E0%A4%BF-%E0%A4%95%E0%A5%8B-%E0%A4%9C%E0%A4%BF%E0%A4%B0%E0%A5%8D%E0%A4%A3%E0%A5%8B%E0%A4%A6%E0%A5%8D%E0%A4%B5%E0%A4%BE%E0%A4%B0-1-1-1024x462.jpg)
वीरगंज । बीरगंज महानगरपालिकाका नगरप्रमुख विजय सरावगीले शैक्षिक क्षेत्रमा विशेष योगदान पुर्याएको देशकै पहिलो कन्या माविलाई आर्थिक तथा भौतिक रुपमा सम्पन्न गराउने अभियानमा महानगरपालिका जुटेको बताउनुभएको छ ।
मर्मत सम्भारको अभावमा जीर्ण बन्दै गएको कन्या माविको भवनको महानगरपालिकाले ५० लाखको लागतमा जीर्णोद्धार सम्पन्न गरेको छ ।
जिर्णोद्वारपछि आज आयोजित एक कार्यक्रमका भवनको उद्घाटन गर्दै नगरप्रमुख सरावगीले नेपालकै पहिलो कन्या माविको रुपमा स्थापित विद्यालयलाई गुणस्तरीय र आधुनिकीकरण गर्दै महानगरपालिका अगाडी बढ्ने दाबी गर्नुभयो ।
कार्यक्रममा वीरगंजका उद्योगपति, व्यवसायी, विद्यालय सञ्चालक समितिका पदाधिकारी, शिक्षक, विद्यार्थीहरूको सहभागिता रहेको थियो ।
![](https://onlineradionepal.gov.np/wp-content/uploads/2021/12/%E0%A4%A6%E0%A5%81%E0%A4%88-%E0%A4%9C%E0%A4%A8%E0%A4%BE-%E0%A4%97%E0%A4%B0%E0%A4%BF%E0%A4%AC-%E0%A4%9B%E0%A4%BE%E0%A4%A4%E0%A5%8D%E0%A4%B0%E0%A4%BE-%E0%A4%B9%E0%A4%B0%E0%A5%81-%E0%A4%B2%E0%A4%BE%E0%A4%88-%E0%A4%9B%E0%A4%BE%E0%A4%A4%E0%A5%8D%E0%A4%B0%E0%A4%B5%E0%A5%83%E0%A4%A4%E0%A5%8D%E0%A4%A4%E0%A4%BF-%E0%A4%B8%E0%A5%8D%E0%A4%B5%E0%A4%B0%E0%A5%81%E0%A4%AA-%E0%A4%9A%E0%A5%87%E0%A4%95-%E0%A4%B9%E0%A4%B8%E0%A5%8D%E0%A4%A4%E0%A4%BE%E0%A4%A8%E0%A5%8D%E0%A4%A4%E0%A4%B0%E0%A4%A3-1-1024x462.jpg)
यसैगरी, नगरप्रमुख सरावगीले आज एक कार्यक्रमका बीच महानगरपालिकाबाट पाउने तलब भत्ताबाट स्थापित मेयर कल्याणकारी कोषबाट दुई जना छात्रालाई छात्रवृत्ति समेत प्रदान गर्नुभएको छ ।
उहाँले आर्थिक अवस्था कमजोर भएका नेशनल इन्फोटेक सेकेण्डरी स्कुलमा अध्ययनरत दुई जना छात्राहरूलाई पठन पाठनमा टेवा पुर्याउने उद्देश्यले १ लाख २३ हजार ७ सय ५६ रुपैयाँ बराबरको चेक हस्तान्तरण समेत गर्नुभएको छ ।
https://ift.tt/3oX4aLW
प्रतिक्रिया लेख्नुहोस्