वीरगंज, ८ वैशाख ।
नारायणी अस्पतालमा कोरोना खोप लिनेहरूको भीड बढेको छ ।
नेपाल र भारतको सीमावर्ती गाउंमा कोरोना संक्रमित बढ्दै गएपछि कोरोना खोपप्रति सर्वसाधारणको भीड बढदै गएको हो ।
खोप लिनेहरुले सामाजिक दूरी कायम गर्ने, मास्कलगायत नेपाल सरकारले निर्धारण गरेको मापदण्डलाई पालना गरेका छैनन् भने नारायणी अस्पतालले पनि कोरोना खोप लिनेहरूको लागि कुनै व्यवस्थापन गरेको छैन ।
कोरोना खोप लिनका लागि नाम दर्ता गराउन पनि निकै भीड भइरहेको छ ।
