![](https://onlineradionepal.gov.np/wp-content/uploads/2021/12/261673508_289319533208505_3426621192773961587_n-1024x682.jpg)
जनकपुरधाम । विवाह पञ्चमी महामहोत्सवलाई दृष्टिगत गरी जनकपुरधाममा आज बृहत् सरसफाइ कार्यक्रम सम्पन्न भएको छ ।
विवाह पञ्चमीको मूल कार्यक्रम हुने जानकी मन्दिर, रंगभूमि मैदानलाई केन्द्रित गरेर बृहत् सरसफाइ गर्ने काम सम्पन्न भएको हो ।
गत सोमवार जानकी मन्दिर व्यवस्थापनले गरेको बृहत् बैठकले आजको लागि बृहत् सरसफाइ गर्ने निर्णय गरे अनुसार बृहत् सरसफाइ गरिइएको हो ।
जानकी मन्दिरका उत्तराधिकारी महन्थ रामरोशन दास वैष्णवको अगुवाइमा भएको बृहत् सरसफाईमा प्रदेश नंं २ का मुख्यमन्त्री लालबाबु राउत गद्दी सहितका विशिष्ट व्यक्तिहरू सहभागी हुनुभएको थियो ।
![](https://onlineradionepal.gov.np/wp-content/uploads/2021/12/261676137_289319413208517_8482344226036775256_n-1024x682.jpg)
जनकपुरधाम उपमहानगरपालिकाका प्रमुख लालकिशोर साह, सुरक्षा निकायका प्रदेशका प्रमुखहरू, धनुषाका प्रमुख जिल्ला अधिकारी बन्धुप्रसाद वास्तोला सहितका सुरक्षा निकायहरूको सहभागितामा भएको बृहत् सरसफाइ कार्यक्रममा तीनै सुरक्षा निकायका सुरक्षा सुरक्षाकर्मीहरू र जनकपुरधाम उपमहानगरपालिकाका सफाइ कर्मीहरूको उल्लेख्य सहभागिता रहेको थियो ।
जनकपुरधामको बार बिघा रङ्ग भूमि मैदान, जानकी मन्दिर, जनक मन्दिर, राम मन्दिर क्षेत्रमा विशेष सरसफाइ गर्ने काम भएको छ ।
![](https://onlineradionepal.gov.np/wp-content/uploads/2021/12/261855973_2040378826123960_4201410352320403329_n-1024x576.jpg)
मङ्सिर १७ गते देखि २३ गतेसम्म हुने सीताराम विवाह पञ्चमी महामहोत्सवमा आउने तीर्थयात्रीहरूलाई कुनै कठिनाइ नहोस् भन्नका लागि सरसफाइ गरिएको हो ।
सप्ताहव्यापी विवाह पञ्चमी महोत्सव अन्तर्गत १७ गते शुक्रवारदेखि जनकपुर नगर दर्शनबाट महोत्सव सुरु हुन भएको छ । मुख्य कार्यक्रम विवाह महोत्सव भने मङ्सिर २२ गते बुधवार हुनेछ ।
![](https://onlineradionepal.gov.np/wp-content/uploads/2021/12/262156167_289319683208490_1473081429055055177_n-1024x682.jpg)
सफाइ कार्यक्रमको समापन कार्यक्रममा बोल्दै प्रदेश नंं २ का मुख्यमन्त्री लालबाबु राउत गद्दीले विश्वका हिन्दुहरूको आस्थाको केन्द्रको रुपमा रहेको जानकी मन्दिरमा आएर पान पराग, गुट्खा, तमाकू पान खाएर थुक्ने कार्य बन्द गर्नका लागि सर्वसाधारणमा आग्रह गर्दै यसमा कडाइ गर्नका लागि सरोकारवाला निकायको ध्यानाकर्षण गर्नुभयो ।
![](https://onlineradionepal.gov.np/wp-content/uploads/2021/12/262367754_289319559875169_2539668091473559370_n-1024x682.jpg)
जानकी मन्दिरको सौन्दर्यमा प्रदेश सरकारले करोडौँ रकम खर्च गरेको बताउँदै यसको संरक्षण गर्ने दायित्व आम जनताको भएको बताउनुभयो । नगर क्षेत्रमा धेरै फोहर भएकाले सफाइ गर्नमा अझै समय लाग्ने छ ।
![](https://onlineradionepal.gov.np/wp-content/uploads/2021/12/262281529_289319589875166_4422844226420450540_n-1024x682.jpg)
https://ift.tt/31hkY7d
प्रतिक्रिया लेख्नुहोस्