![](https://onlineradionepal.gov.np/wp-content/uploads/2021/12/%E0%A4%9C%E0%A4%BF%E0%A4%B2%E0%A5%8D%E0%A4%B2%E0%A4%BE-%E0%A4%AA%E0%A5%8D%E0%A4%B0%E0%A4%B6%E0%A4%BE%E0%A4%B8%E0%A4%A8-%E0%A4%95%E0%A4%BE%E0%A4%B0%E0%A5%8D%E0%A4%AF%E0%A4%BE%E0%A4%B2%E0%A4%AF-%E0%A4%AA%E0%A4%B0%E0%A5%8D%E0%A4%B8%E0%A4%BE%E0%A4%AE%E0%A4%BE-%E0%A4%AE%E0%A4%A4%E0%A4%A6%E0%A4%BE%E0%A4%A4%E0%A4%BE-%E0%A4%A8%E0%A4%BE%E0%A4%AE%E0%A4%BE%E0%A4%B5%E0%A4%B2%E0%A5%80-%E0%A4%A5%E0%A4%AA%E0%A4%95%E0%A4%BE-%E0%A4%B2%E0%A4%BE%E0%A4%97%E0%A4%BF-%E0%A4%AD%E0%A4%BF%E0%A4%A11-1.jpg)
बीरगंज । पर्सा जिल्लामा मतदाता नामावली सङ्कलन कार्य तीव्र पारिएको छ ।
जिल्ला निर्वाचन कार्यालय पर्साले सञ्चालन गरेको मतदाता नामावली सङ्कलन विशेष कार्यक्रम २०७८ अन्तर्गत पहिलो चरणमा ९ हजार ९ सय ५५ जनाले मतदाता नामावलीमा नाम दर्ता गराएका छन् ।
जिल्ला निर्वाचन कार्यालय पर्साकी प्रमुख रन्जिता झाले मङ्सिर १७ गतेदेखि पुस २ गते सम्म सञ्चालन गरिएको विशेष अभियानअन्तर्गत पहिलो चरणमा ९ हजार ९ सय ५५ जनाले मतदाता नामावलीमा नाम दर्ता गराएको जानकारी दिनुभयो ।
अभियानअन्तर्गत पुस ४ गतेबाट सञ्चालन भएको दोस्रो चरणको मतदाता नामावली सङ्कलन अभियान अन्तरगत अहिले जिल्ला प्रशासन कार्यालय, जिल्ला निर्वाचन कार्यालय पर्सा बाहेक विभिन्न ६ स्थानबाट नामावली सङ्कलन गर्ने कार्य भइरहेको प्रमुख झाले बताउनुभयो ।
पहिलो चरणमा पोखरीया नगरपालिकामा ११ सय ६०, कालिकामाई गाउँपालिकामा ९ सय ७६, सखुवाप्रसौनी गाउँपालिकामा २१ सय ८८, जिराभवानी गाउँपालिकामा ११ सय ३६, बहुदरमाई नगरपालिकामा १३ सय ७४, पकहामैनपुर गाउँपालिकामा १२ सय ९८, जगरनाथपुर गाउँपालिकामा १८ सय ३९ जना गरी ९ हजार ९ सय ५५ जनाले मतदाता नामावलीमा नाम दर्ता गराएको प्रमुख झाले बताउनुभयो ।
त्यसैगरी, दोस्रो चरण अन्तरगत अहिले पुस ४ गतेदेखि वीरगंज महानगरपालिका क्षेत्रको जिल्ला प्रशासन कार्यालय र जिल्ला निर्वाचन कार्यालयमा मतदाता नामावली सङ्कलन कार्य भइरहेको र पर्साको ग्रामीण क्षेत्र अन्तरगत ठोरी, पटेर्वा सुगौली, पर्सागढी, छिपहरमाई, विन्दवासिनी र धोबिनी गाउँपालिकामा मतदाता नामावली सङ्कलन कार्य जारी रहेको र यो अभियान आगामी पुस १७ गतेसम्म सञ्चालन हुने प्रमुख झाले बताउनुभयो ।
![](https://onlineradionepal.gov.np/wp-content/uploads/2021/12/%E0%A4%AE%E0%A4%A4%E0%A4%A6%E0%A4%BE%E0%A4%A4%E0%A4%BE-%E0%A4%A8%E0%A4%BE%E0%A4%AE%E0%A4%BE%E0%A4%B5%E0%A4%B2%E0%A5%80-%E0%A4%B8%E0%A4%82%E0%A4%95%E0%A4%B2%E0%A4%A8-%E0%A4%95%E0%A5%87%E0%A4%A8%E0%A5%8D%E0%A4%A6%E0%A5%8D%E0%A4%B0%E0%A4%AE%E0%A4%BE-%E0%A4%B8%E0%A5%87%E0%A4%B5%E0%A4%BE%E0%A4%97%E0%A5%8D%E0%A4%B0%E0%A4%BE%E0%A4%B9%E0%A5%80%E0%A4%95%E0%A5%8B-%E0%A4%AD%E0%A4%BF%E0%A4%A1-2.jpg)
पर्सा जिल्लामा मतदाता नामावली सङ्कलन गर्नुभन्दा अगाडी ३ लाख ९ हजार ४ सय ३७ जनाको नामावली दर्ता भइसकेको र यसअघि, सम्पन्न स्थानीय, संसदीय तथा प्रदेशसभाको निर्वाचनमा ३ लाख १ हजार ५ सय मतदाताको सहभागिता रहेको जिल्ला निर्वाचन कार्यालय पर्साले जनाएको छ ।
आगामी बर्ष निर्वाचन बर्ष भएको र वर्षको सुरुवातमै निर्वाचन आयोगले स्थानीय तहको निर्वाचन गर्ने तयारी थालेसँगै अहिले राजनीतिक दलहरू आ–आफ्ना गाउँमा मतदाता बढाउन नामावली दर्ता अभियानमा जुटेका छन् ।
दलहरू सक्रिय हुँदा मतदाता नामावली सङ्कलनका लागि अहिले जिल्ला प्रशासन कार्यालय, जिल्ला निर्वाचन कार्यालयलगायत गाउँमा खटिएको सङ्कलन केन्द्रमा सेवाग्राहीको ठूलो भिड लाग्ने गरेको छ ।
https://ift.tt/3Jli7v6
प्रतिक्रिया लेख्नुहोस्