बसले ब्याक गर्ने क्रममा ठक्कर लागेर एकजनाको मृत्यु

वीरगंज, २१ फागुन/
बसले ब्याक गर्ने क्रममा एकजनालाई ठक्कर दिंदा मृत्यु भएको जिल्ला प्रहरी कार्यालय बारा, कलैयाले जनाएको छ ।
आइतवार मध्याह्न १२ बजेको समयमा बारा, निजगढ नगरपालिका–८ स्थित बुधचोकमा वीरगंजबाट बिराटनगरतर्फ जाँदै गरेको को १ ख ५७०० नं. को बस ब्याक गर्ने क्रममा सोही ठाउँ बस्ने वर्ष ५० को मजिद मियाँलाई ठक्कर दिई घिसारेर गम्भीर घाइते बनाएको थियो ।
उनको सि.टी. अस्पतालमा उपचार पश्चात थप उपचारको लागि  गण्डक हेल्थकेयर अस्पताल वीरगंज ल्याउँदा मृत्यु भएको प्रहरीले जनाएको छ ।
प्रहरीले सिरहा सुखीपुर नगरपालिका–८ बस्ने वर्ष ४२ को ललन कुमार दास र बसलाई नियन्त्रणमा लिई अनुसन्धान गरिरहेको प्रहरीले जनाएको छ ।