वीरगंज, ८ भदौ ।
वीरगंज वडा नं. १३ नेपाल आयल निगम नजिकै रहेको सिद्धेश्वरनाथ मन्दिरमा आज विशेष पूजापाठ सम्पन्न भएको छ।
साउनको अन्तिम सोमवारका दिन सो मन्दिरमा रुद्राभिषेक एवं महाआरती विगत पांच वर्षदेखि हुँदै आइरहेको छ । सोही बमोजिम यस वर्ष पनि धूमधामका साथ रुद्राभिषेक पूजा एवं महाआरती सम्पन्न भएको स्थानीय रजत पाण्डेले बताए।
सो कार्यक्रममा सोही शिवनगर टोलका झन्डै दुई सय श्रद्धालुहरुको घुइचो लागेको थियो । स्थानीयहरुले सो मन्दिरको पुनर्निर्माणको लागि बजेट छुट्याउन तीनन तहका सरकारसंग माग गरेका छन्।
