मोरङ, साउन १७ —
मोरङ प्रहरीले एक हजार ३३ किलो ४ सय ८४ ग्राम गाँजासहित एक जनालाई पक्राउ गरेको छ।
केन्द्रीय प्रहरी समाचारकक्षका अनुसार पक्राउ पर्नेमा धनकुटाको पाख्रीबास नगरपालिका–९ हिलेका २८ वर्षीय उमेश तामाङ रहेका छन्।
उर्लाबारीबाट आमबारीतर्फ जाँदै गरेको को १ ख ४३७३ नम्बरको मिनिट्रक इलाका प्रहरी कार्यालय सिजुवासहितको प्रहरी टोलीले रतुवामाई नगरपालिका–१० सोमबारेमा जाँच गर्ने क्रममा ट्रकभित्र लुकाइएका ३१ वटा पोकामा रहेको एक हजार ३३ किलो ४ सय ८४ ग्राम गाँजा बरामद गरिएको हो।
प्रहरीले गाँजासहित ट्रक चालक तामाङलाई नियन्त्रणमा लिई घटनाबारे थप अनुसन्धान अघि बढाएको जनाएको छ।
