$type=ticker$count=12$cols=4$cate=0

neelambads

प्रदेश २ सरकारको ३ वर्षे उपलब्धि : संघीय सरकारविरुद्व ६ वटा मुद्दा दायर

२३ फागुन, जनकपुरधाम । प्रदेश २ सरकारले तीन वर्षको आफ्नो उपलब्धि सार्वजनिक गरेको छ । तीन वर्ष पुगेको अवसरमा सोमबार पत्रकार सम्मेलन गरी प्रदेश सरकारले उपलब्धि सार्वजनिक गरेको हो ।

संघीय सरकारविरुद्व मुद्दा दायर गर्नुलाई पनि प्रदेश सरकारले आफ्नो उपलब्धि मानेको छ । संविधानले प्रदान गरेको प्रदेशको अधिकारलाई संस्थागत गर्दै प्रदेशको समग्र विकासका लागि सागरनाथ वन, सिँचाइ, प्रहरी समायोजन, कर्मचारी समायोजन लगायतका छ वटा विषयमा संघीय सरकारको विरुद्धमा प्रदेश सरकारले मुद्दा दायर गरेको छ । यसले आगामी दिनमा अधिकार क्षेत्र तथा जिम्मेबारी वाँडफाँडमा स्पष्टता कायम गर्ने मुख्यमन्त्री लालबाबु राउतले बताए ।

प्रदेश सरकारले बेटी पढाउ, बेटी बचाउ अभियानलाई ठूलो उपलब्धि मानेको छ । यो अभियान अन्तर्गत हालसम्म ६ हजार ९ सय ६ जना छोरीलाई बीस वर्षपछि रु. तीन लाख पाउने गरी छोरी बिमा÷मुद्धती खाता खोली प्रदेश सरकारबाट रकम जम्मा गरिएको र २६ हजार ९ सय ५६ जना छोरीको तथ्याङ्क संकलन गरिएको प्रदेश सरकारले जनाएको छ ।

छोरीलाई विद्यालयमा पहुँच पुर्याउन र प्रोत्साहित गर्ने उद्देश्यले २ सय ४१ ओटा सामुदायिक विद्यालयमा १४ हजार साइकल वितरण गरिएको र थप २० हजार साइकल वितरण गर्ने कार्य अन्तिम चरणमा पुगेको सरकारले जनाएको छ ।

'मुख्यमन्त्री स्वच्छता अभियान' अन्तर्गत धार्मिक पर्यटनलाई बढावा दिन जानकी मन्दिर, रौजा मजार, छिन्नमस्ता भगवती, सहलेश स्थान, पारशनाथ, भिसवा बौद्ध गुम्बाहरुको संरक्षण तथा सौन्दर्यीकरणको कार्य अगाडि बढाउनुलाई सरकारले उपलब्धि भनेको छ । यस अभियान अन्तर्गत २७ वटा पोखरी एवम् सार्वजनिकर पर्यटकीय र धार्मिक स्थलहरुको संरक्षण तथा सौन्दर्यीकरणको कार्य सुरु भएको उसले जनाएको छ ।

मधेश आन्दोलनका २७ जना शहीद परिवारलाई रोजगार उपलब्ध गराइएको, आन्दोलनका क्रममा घाइते व्यक्ति तथा पीडित परिवारलाई राहत उपलब्ध गराउनुलाई पनि उपलब्धि भनेको छ ।

हाल सम्म ३९ वटा विधेयक प्रमाणित भई कार्यान्वयनमा आएको र २२ वटा विधेयक प्रदेश सभाको विधायन समितिमा विचाराधीन अवस्थामा रहनुले प्रदेश सरकारलाई कार्य सञ्चालन गर्न मार्ग प्रशस्त हुनुका साथै संविधान प्रदत्त अधिकारको प्रयोग तथा परिपालनामा सघाउ पुगेको प्रदेश सरकारको भनाई छ ।

तीन वर्षको अवधीमा प्रदेश सरकारले सबै प्रदेश सभा (६४ वटा) निर्वाचन क्षेत्रमा कम्तीमा ५ किलोमिटर सडक निर्माण गरी कुल ३२० किलोमिटर पक्की सडक निर्माण गर्ने कार्यको थालनी गरेको जनाएको छ । यस अवधिमा विभिन्न स्थानमा ५०.९५ किलोमिटर कालोपत्रे सडक निर्माण, ७४.९० किलोमिटर पक्की सडक ढलान, १ सय ७०.१७ किलोमिटर ग्राभेल सडक निर्माण, ५ सय ५४ किलोमिटर नाला निर्माण, १४ वटा कल्भर्ट निर्माण, ५९.८१ किलोमिटर नयाँ कच्ची सडक निर्माण गरेको जनाएको छ ।

प्रदेशमा आइपर्ने बाढी, डुबान, शीतलहर, आगलागीजस्ता विपद् प्रभावित परिवारलाई ८ हजार थान कम्बल, १ हजार थान त्रिपाल र रु.११ लाख ४० हजार राहत स्वरूप नगद उपलब्ध गराउनुलाई उपलब्धिको सूचीमा राखेको छ ।

यस्तै, सुरक्षा निकायहरुको भौतिक पूर्वाधार निर्माणमा प्रदेश सरकारले उपलब्ध गराएको ३९ करोड रकमबाट ८ वटा प्रहरी चौकीहरु निर्माणाधीन अवस्थामा रहेको प्रदेश सरकारले जनाएको छ ।

उपलब्धि सार्वजनिक गर्न प्रदेश सरकारले आयोजना गरेको पत्रकार सम्मेलनमा मुख्यमन्त्री राउतले प्रत्येक वर्ष आइपर्ने विभिन्न विपद, संक्रामक रोगको प्रकोप, सेवा प्रवाहमा जनशक्तिको अपर्याप्तता, संघीय कानून समयमै नबन्दा प्रदेश कानून निर्माण र कार्यान्वयनमा जटिलता, जस्ता कारणले प्राप्त उपलब्धिलाई संस्थागत गर्न कठिन परिस्थितिको सामना गर्नुपरिरहेको बताए । 
Name

ad,12,article,5,business,16,feature,18,main news,59,news,651,photo,21,recent,1,sports,9,
ltr
item
Trilok Khabar: प्रदेश २ सरकारको ३ वर्षे उपलब्धि : संघीय सरकारविरुद्व ६ वटा मुद्दा दायर
प्रदेश २ सरकारको ३ वर्षे उपलब्धि : संघीय सरकारविरुद्व ६ वटा मुद्दा दायर
http://1.bp.blogspot.com/-r0UJjRaGbF8/YCo7oj0C_MI/AAAAAAAAAHA/4mIElVRVL2wMToZKc5cAnMayH3XYvcNwgCK4BGAYYCw/s320/mmmm-713897.jpg
http://1.bp.blogspot.com/-r0UJjRaGbF8/YCo7oj0C_MI/AAAAAAAAAHA/4mIElVRVL2wMToZKc5cAnMayH3XYvcNwgCK4BGAYYCw/s72-c/mmmm-713897.jpg
Trilok Khabar
https://www.trilokkhabar.com/2021/02/blog-post_15.html
https://www.trilokkhabar.com/
https://www.trilokkhabar.com/
https://www.trilokkhabar.com/2021/02/blog-post_15.html
true
4752117234170179207
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy