वीरगंज, ७ फागुन ।
मकवानपुर प्रहरीले २५ किलो गाँजासहित दुर्ई जनालाई पक्राउ गरेको छ ।
जिल्ला प्रहरी कार्यालय मकवानपुरबाट खटिएको विशेष टोलीले हेटौंडा उपमहानगरपालिका–११ बाट राक्सिराङ गाउँँपालिका–१ पलासेका २१ वर्षीय नवराज थिङ र सोही ठाउँका २० वर्षीय बाबुराम थोकरलाई गाँजासहित पक्राउ गरेको हो । थिङ अटो चालक हुन् ।
ना. १ ह ७२३६ नम्बरको अटोको पछाडिको सिटमा गाँजा लुकाएर राखेको अवस्थामा उनीहरूलाई पक्राउ गरिएको प्रहरी नायव उपरीक्षक इनद्रबहादुर रानाले जानकारी दिए । उनीहरूमाथि थप अनुसन्धान भइरहेको उनले बताए ।
प्रतिक्रिया लेख्नुहोस्