बारा, २९ असार- बाराको सिसहनिया ट्रकको ठक्करबाट मोटरसाइकल चालकको मृत्यु भएको छ ।
सोमबार साँझ बाराको कलैया उपमहानगरपालिका वडा नं. २५ स्थित सिसहनिया चौकमा ट्रकको ठक्करबाट गम्भीर घाइते भएको सर्लाही ईश्वरपुर नगरपालिका वडा नं.६ बैलबास बस्ने वर्ष ४० का नरेन्द्र सिंहको उपचारका लागि बीरगन्ज ल्याउदैं गर्दा बाटोमा नै मृत्यु भएको जिल्ला प्रहरी कार्यालय बाराले जनाएको छ ।
बीरगन्जबाट कलैयातर्फ जादैं गरेको सिंह सवार ना ४७ प ८३४३ नम्बरको मोटरसाइकललाई ना४ ख ६९६ नम्बरको ट्रकले सिसहनिया चौकमा साँझ ५ः५५ मा ठक्कर दिएको थियो । ठक्करबाट गम्भीर घाइते भएका सिंहलाई उपचारका लागि बीरगन्जतर्फ ल्याउने क्रममा ६ बजेर १० मिनेटमा मृत्यु भएको बारा प्रहरीले जनाएको छ ।
हाल सिंहको शव बीरगन्जस्थित न्युरो अस्पतालमा रहेको र ठक्कर दिने ट्रकका चालक बाराको जीतपुरसिमरा उपमहानगरपालिका वडा नं. ११ फत्तेपुर बस्ने वष ४३ का लक्ष्मीनारायण सहनी प्रहरी नियन्त्रणमा रहेका जिल्ला प्रहरी कार्यालय बाराले जनाएको छ ।
प्रतिक्रिया लेख्नुहोस्