बारा । बारा प्रहरीले जीतपुरबाट लागु औषध गाँजासहित तीन जनालाई पक्राउ गरेको छ ।
इलाका प्रहरी कार्यालय जितपुरबाट डियूटीमा खटिएको प्रहरी टोलीले पैदल यात्रु र सवारी साधनहरू चेकजाँच गर्ने क्रममा तीन जनालाई पक्राउ गरेको इलाका प्रहरी कार्यालय सिमराका प्रहरी नायव उपरीक्षक मनोजित कुवरले जानकारी दिनुभयो ।
पक्राउ पर्नेमा जिल्ला मकवानपुर राक्सिराङ गाउँपालिका वडा नं.२ बस्ने बर्ष २२ का अखिल मोक्तान, बर्ष २३ का सुमन रुम्बा र बर्ष १९ का विजय थिङ रहेका छन् ।
उनीहरूले चार वटा पोकामा बोकेको झोलाहरूमा चेकजाँच गर्दा अवैध लागु औषध गाँजा १२ किलो बरामद भएको इलाका प्रहरी कार्यालय सिमराले जनाएको छ ।
पक्राउ परेकाहरूलाई लागु औषध शीर्षकमा मुद्दा दर्ता गरी अनुसन्धान कार्य भइरहेको प्रहरी नायब उपरीक्षक कुवरले बताउनुभयो ।
https://ift.tt/2ZQl1pD
