जनकपुरधाम । नेपाली काँग्रेसको १४ औँ महाधिवेशन अन्तर्गत बाँकी रहेको प्रदेश नंं २ को मतगणना जारी रहेको छ । सभापति पदमा कृष्णप्रसाद यादव यस अघि नै निर्वाचित भएको छ भने अन्य पदाधिकारी मतगणना जारी रहेको छ ।
पदाधिकारीहरूको पछिल्लो मत गणनाको परिणाम अनुसार संस्थापन पक्षकै अग्रता कायम रहेको छ । संस्थापन पक्षका तर्फबाट प्रदेश उपसभापतिमा वीरेन्द्र प्रसाद सिंह ३ सय ७० मत सहित अग्र स्थानमा रहनु भएको छ भने सोही समूहका चन्देश्वर प्रसाद यादवले पनि ३ सय २१ मत सहित अग्रता लिइरहनु भएको छ ।
यसैबीच संस्थापन इतरका उपसभापति पदका उम्मेदवार विनोद कुमार खनालले २ सय ७६ मत तथा धनलाल ठोकरले २ सय ४७ मत ल्याउनु भएको छ । प्रदेश महामन्त्री पदमा संस्थापन पक्षका उपेन्द्र कुमार यादव ३ सय ५६ मत, बृहस्पति कृष्ण श्रेष्ठले ३ सय ७० मत प्राप्त गर्नु भएको छ ।
यसै गरी संस्थापन इतरका प्रदेश महामन्त्री पदका उम्मेदवार नरेश कुमार यादवले ३ सय ७ मत तथा हरेश प्रसाद महतोले २ सय ४९ मत प्राप्त गर्नु भएको छ । खुल्ला सह महामन्त्री तर्फ संस्थापन पक्षका जयनारायण यादवले ३ सय ७ मत र परशुराम चौधरीले पनि ३ सय ७ मत प्राप्त गर्नु भएको छ ।
यसै गरी महिला सह महामन्त्री तर्फ पनि संस्थापन पक्षकै अग्रता रहेको निर्वाचन समितिका संयोजक प्रह्लाद गौतमले जानकारी दिनु भएको थियो । मत गणना निक्कै सुस्त गतिमा भएका कारणले सबै पदाधिकारीहरूको मत परिणाम रातीसम्ममा आउने अवस्था रहेको छ ।
https://ift.tt/3mv3ETG
