बारा । विज्ञान सङ्कायमा १२ कक्षामा उत्कृष्ट नम्बर ल्याउने जीतपुरकी एक छात्रालाई सम्मान गरिएको छ । जीतपुरसिमरा उपमहानगरपालिका वडा नं.७ स्थित शहिद स्मारक एकेडेमीबाट २०७५ सालमा एस.इ.ई.दिएका विद्यार्थी ज्योति झा २०७७ सालको परीक्षामा नेपालमै उत्कृष्ट नम्बर ल्याएकी छिन् ।
वीरगंजस्थित ओम इन्टरनेशनल एकेडेमी कक्षा १२ मा अध्ययन गरेकी झा परीक्षामा ३.९२ जिपिए प्राप्त गर्नु भएको छ । १७ वर्षीया ज्योति झा मनरा सिस्वा नगरपालिका वडा नं.९ बथनाहाका निवासी हुन् ।
उहाँ विगत लामो समयदेखि जीतपुरमा बुवा सुजित कुमार झा र आमा रेखा देवी झा सँग बस्दै आउँनुभएको छ । एक कार्यक्रमकाबीच शहिद स्मारक एकेडेमीका प्रधानाध्यापक माल्ती कुम्हालले अबिर टिका लगाई दोसल्लाहाले सम्मान गर्नुभएको थियो ।
विद्यालयका सञ्चालक कालिका प्रसाद ढकालको स्वागत मन्तव्य रहेको कार्यक्रमको सञ्चालन राहुल झाले गर्नुभएको थियो । सम्मान कार्यक्रममा नेकपा एमालेका जिल्ला अध्यक्ष देवनारायण चौधरी ,वडा नं.७ का वडा अध्यक्ष रामबाबु गुप्ता ,वडा सदस्य दुर्गा रिजाल, समाजसेवी श्रीराम साह ,सुनिल गुप्ता लगायतको सहभागिता रहेको थियो ।
https://ift.tt/3GgtkuC
प्रतिक्रिया लेख्नुहोस्