सर्लाही । सर्लाहीको ईश्वरपुर नगरपालिकामा मोटरसाइकल दुर्घटना हुँदा तीन जनाको मृत्यु भएको छ ।
मृत्यु हुनेमा इश्वरपुर नगरपालिका वडा नं. १० दशबिग्हा बस्ने २२ वर्षीय अरुण सिंह ,२० वर्षीय स्रवण बिक र २२ वर्षीय रोहन सिंह रहेका छन् ।
इश्वरपुर नगरपालिका वडा नं.३ स्थित सागरनाथ जङ्गलमा मोटरसाइकल दुर्घटना भएको थियो घटना लगतै तिनै जना युवकको मृत्यु भएको थियो ।
सागरनाथबाट बयलबास जाँदै गरेको बा१९प ७१९७ नम्बरको मोटरसाइकल आइतबार अनियन्त्रित भई भित्री सडक छेउमा रहेको रुखमा ठोक्किँदा त्यसमा सवार तीन जनाको युवकको मृत्यु भएको जिल्ला प्रहरी कार्यालय सर्लाहीका प्रहरी नायव उपरीक्षक (डिएसपी) माधवप्रसाद बुढाथोकीले जानकार दिनुभयो ।
दुर्घटनामा परेका तीन जनालाई उपचारको लागि जिल्ला अस्पताल मलंगवा ल्याए पनि अस्पताल पुगे लगत्तै डाक्टरले उनीहरूलाई मृत घोषण गरेका थिए।
मृतक तीनै जना एउटै मोटरसाइकलमा सवारी रहेको बताएको छ । मृतक तीनै जनाको शव पोष्टमाटमको लागि जिल्ला अस्पताल सर्लाहीमा राखिएको डिएसपी बुढाथोकीले बताउनुभयो ।
https://ift.tt/3os9AwP
प्रतिक्रिया लेख्नुहोस्