जनकपुरधाम । जनकपुरधाम उपमहानगरपालिकाको जनसङ्ख्या २ लाख नजिक पुगेको छ ।
राष्ट्रिय जनगणना २०७८ को प्रारम्भिक नतिजा अनुसार जनकपुरधाम उपमहानगरपालिकाको कूल जनसङ्ख्या १ लाख ९५ हजार ४ सय ३८ रहेको उल्लेख छ । पछिल्लो जनगणनाको तुलनामा ३९ हजार ३१ जना थप भएको छ ।
राष्ट्रिय जनगणना ०७८ को अनुसार वर्तमान मधेश प्रदेशको राजधानी जनकपुरधाममा १ लाख ४ सय १७ जना पुरुष र ९५ हजार २१ जना महिला रहेको छ ।
यो पछिल्लो जनगणनाको तुलनामा करिब अढाई प्रतिशतले बढी रहेको छ । १० वर्षको अवधिमा यस उपमहानगरमा १९ हजार ३२ पुरुष र १९ हजार ९ सय ९९ महिलाको सङ्ख्या बढेको छ ।
राष्ट्रिय जनगणना २०६८ का अनुसार जनकपुरधाम उपमहानगरपालिकाको कूल जनसङ्ख्या १ लाख ५६ हजार ४ सय ७ थियो । जसमा ८१ हजार ३ सय ८५ जना पुरुष र ७५ हजार २२ जना महिला रहेका थिए ।
जनकपुरधाम उपमहानगरपालिका तत्कालीन जनकपुर नगरपालिकामा बसबिटी, कनकपट्टी, महुवा प्रको, लोहना, कुर्था, देवपुरा रुपैठा, बिन्धी, बेंगासिवपुर र बसहीया गा.वि.स २०७१ सालमा गाभेर उपमहानगरपालिका घोषणा गरिइएको थियो ।
https://ift.tt/kw92UsWNq
