वीरगंज, २१ पुस । वीरगंज महानगरपालिकाका नगर प्रमुख विजय कुमार सरावगीले अपांगता भएकाहरूको लागि निर्माण गरिएको छात्रावासको उदघाटन गर्नुभएको छ । वीरगंज माहानगरपालिका वडा नम्बर १३ राधेमाईमा अपांगताहरूको लागि संचालित विद्यालयमा नगरस्तरीय बजेटबाट निर्माण सम्पन्न भएको छात्रावास भवनको आज नगरप्रमुख बिजय कुमार सरावगीले उदघाटन गर्नु भएको हो । छात्रावास भवनको उदघाटन गर्दै नगर प्रमुख सरावगीले फरक क्षमता भएका बालबालिकाहरूको लागि स्थानीय सरकारले जस्तोसुकै समस्यामा पनि सधैं साथ रहने बताउनुभयो । उहाँले शारिरिक रूपमा फरक क्षमता भएपनि उनीहरूमा पनि उत्तिकै मानसिक क्षमता हुने भएकोले त्यस्ता फरक क्षमता भएका व्यक्तिहरूलाई समाजले पनि हौसला प्रदान गर्नुपर्ने बताउनुभयो । अहिले बहिराहरूको लागि मात्रै संचालनमा रहेको विद्यालयलाई पूर्ण अपांगमैत्री वातावरणमा शिक्षण सिकाई प्रदान गरेर अन्य अपांगता भएका व्यक्तिहरूको लागि पनि विद्यालयमा व्यावस्था गरिने बताउनुभयो । त्यसको लागि महानगरपालिकाले आगामी वर्षमा छुट्टै बजेटको पनि व्यावस्था गर्ने आश्वासन दिनुभयो । वीरगंज महानगरपालिकाको १५ लाख रूपैंया बजेटमा निर्माण शुरू भएको दुर्ईवटा स्नान कक्ष, दुर्ईवटा भान्सा घर सहितको छात्रावास भवनमा अहिले थप निर्माण कार्यहरू पनि भईरहेको र झण्डै २५ लाख रूपैंया लागत लाग्ने अनुमान गरिएको विद्यालय व्यावस्थापन समितिका अध्यक्ष अजय साहले बताउनुभयो । पाँच जना कान नसुन्ने विद्यार्थीहरूबाट पठन पाठन गरिएको विद्यालयमा अहिले ५० जना भन्दा बढी विद्यार्थीहरू अध्ययन गरिरहेका छन् । छात्रावास निर्माणपछि विद्यालयमा विद्यार्थीहरूको संख्या बढ्ने अनुमान गरिएको साहले बताउनुभयो । अहिले विद्यालयमा बस्ने खाने व्यावस्था नहुँदा कतिपय विद्यार्थीहरू आउन नसकेका र छात्रावास भवन निर्माण भएपछि टाढा टाढाका विद्यार्थीहरू पनि आउने भएकोले विद्यार्थीको संख्या बढ्ने उहाँको दावी छ ।
$type=ticker$count=12$cols=4$cate=0$show=home
$type=list-tab$date=0$au=0$c=1$comment=hide$show=home
$type=one$count=1$cate=0$author=hide$comment=hide$date=hide$readmore=show$show=home
$type=slider$snippet=hide$cate=0$author=hide$comment=hide$date=hide$readmore=hide$show=home
$type=blogging$count=2$cate=0$author=hide$comment=hide$date=hide$readmore=show$show=home
Facebook Likes$type=social_counter
Rashiphal
|२४ घन्टाका ताजा अपडेट_$type=one$m=0$cate=0$sn=0$rm=0$c=4$va=0
[साताको खबर]$type=one
-
भदौ २१, पर्साको ड्राइपोर्ट ट्राफिक का प्रहरी सहायक निरीक्षक बलिराम चौधरीले ब्रह्मलुट मचाएको समाचार प्राप्त भएको छ। अाइसिपि र सुख्खा बन्दरगा...
-
बारा ,चैत २१ जसपा नेपाल पचरौताको दोस्रो नगर अधिवेशन बुधवार वडा न•१ पिपरपाती को पार्टी प्यालेसमा सम्पन्न भएको छ।पुर्व नगर प्रमुख रमेश यादवको...
-
वीरगंज, १६ चैत । प्रेस मञ्च नेपाल, जिल्ला कार्य समिति पर्साको दोस्रो जिल्ला अधिवेशन शनिवार सम्पन्न भएको छ। पर्सा जिल्ला अधिवेशनको दोस्रो जि...
/fa-clock-o/ लोकप्रिय$type=list
-
भदौ २१, पर्साको ड्राइपोर्ट ट्राफिक का प्रहरी सहायक निरीक्षक बलिराम चौधरीले ब्रह्मलुट मचाएको समाचार प्राप्त भएको छ। अाइसिपि र सुख्खा बन्दरगा...
प्रतिक्रिया लेख्नुहोस्