वीरगंज, २१ माघ/
पर्सागढी नगरपालिकाको दुईवटा वडामा समानता अभियान नेपाल र माट्रिका आई फाउन्डेशन पर्साले निःशुल्क आँखा चेकजाँच शिविर सम्पन्न गरेको छ ।
झुलीटार, रामटोल र बक्नेर्वा गाउँका २५० जनाको आँखा चेकजाँच गर्दा ३५ जनामा मोतियाबिन्दु भेटिएको माट्रिका आई फाउन्डेशन पर्साका नेत्ररोग विशेषज्ञ डा मनोरञ्जन यादवले बताए । उनले मोतियाबिन्दु रोगीहरूको निश्शुल्क अप्रेशन गरिने बताए ।
कार्यक्रममा अभियान नेपालका गोल कुमार बस्नेत, डा चन्द्रभुषण सिंह, विक्रम कार्की, रामजनम चौधरीलगायतको सहभागिता थियो ।
