वीरगंज, २६ माघ ।
वैज्ञानिक समाजवादी कम्युनिष्ट पार्टी नेपालले एमसीसी सम्झौता विरूद्ध जुलुस र कोणसभा सम्पन्न गरेको छ ।
आज वीरगंजको घण्टाघरमा पार्टीको विद्यार्थी संगठन तथा महिला संगठन समेतको सहभागीतामा निस्केको जुलुस बजार परिक्रमा पश्चात पुनः घन्टाघरमा आएर कोणसभामा परिणत भएको थियो ।
पार्टीको केन्द्रीय सदस्य वैद्यनाथ श्रमजीवीले – संसदवादी दलहरूले देशको स्वाभिमान र स्वतन्त्रतालाई समेत खतरामा पार्नेगरी एमसीसी सम्झौता गर्नलागेको हो बताउनुभयो । यो सम्झौता द्वारा देशको सम्पूर्ण जलसम्पदा माथि अमेरिकाले कब्जा गर्ने कुरा निश्चित भएको ले आम जनसमुदाय सम्झौता बिरूद्ध अवस्य आन्दोलन को आँधी हुरी सृजना हुने र त्यसले अमेरिकी साम्राज्यवाद र नेपाली दलाल शासकहरू समेत मटियामेट हुने बताउनुभयो ।
कोणसभामा वैज्ञानिक समाजवादी विद्यार्थी संगठनको जिल्ला अध्यक्ष विद्यार्थी नेता नारद रेवानी, वैज्ञानिक समाजवादी महिला संगठनको प्रतिनिधि भागिरथी प्रकृति ले समेत सम्बोधन गर्नु भएको थियो।
