वीरगन्ज, २६ फागुन । वीरगन्ज महानगरपालिकाका नगर प्रमुख बिजय कुमार सवरागीले पाँच बर्षको अवधिमा वीरगन्जमा धेरै बिकास भएको बताउनुभएको छ । वीरगन्ज महानगरपालिका वडा नम्बर ५ मा आज आयोजित सार्वजनिक सुनुवाइ कार्यक्रममा बोल्दै नगर प्रमुख सरावगीले जनप्रतिनिधिहरु नआएको भए वीरगन्जको अवस्था झनै दयनीय हुने बताउनुभयो ।
जनप्रतिनिधिकै कारण वीरगन्जको हरेक वडामा अहिले बिकास भएको र बिकास गर्नुपर्छ भन्ने प्रतिस्प्रर्धाको भाव पनि सबैमा रहेको बताउनुभयो । बिकास निर्माणको सवालमा बिगत २० बर्षमा नभएको काम यो पाँच बर्षको समयमा भएको बताउनुभयो ।
कार्यक्रममा वडावासीले उठाएको सवालपवाफको नगर प्रमुख सरावगीले जवाफ दिनुभएको थियो । कार्यक्रम वडा नम्बर ५ का वडा अध्यक्ष प्रदीप चौरियाको अध्यक्षतामा सम्पन्न भएको हो ।
