वीरगंज, १४ चैत/
राष्ट्रिय प्रजातन्त्र पार्टी नेपालका अध्यक्ष कमल थापाले आज नेपाल पत्रकार महासंघ, पर्साको सभाहलमा पत्रकार सम्मेलन गरी राप्रपा नेपालको एजेन्डा लोकतन्त्र, हिन्दु राष्ट्र, सुशासन रहेको बताएका छन् ।
उनले जनताले राजसंस्था अस्वीकार गरिसकेकोले आफूले पनि राजसंस्थाको एजेन्डा छाडेको बताए । उनले नेपालमा हिन्दू धर्मप्रति आस्था राख्नेहरुको संख्या धेरै रहेकोले हिन्दू राष्ट्रको एजेन्डा पनि साथै लिएको बताए ।
कार्यक्रममा पार्टीका उपाध्यक्ष राजीव पराजुली, महासचिव राजाराम बर्तौलालगायतको सहभागिता रहेको बताए ।
