वीरगञ्ज, ४ वैशाख । जनता समाजवादी पार्टी नेपाल (जसपा)ले वीरगञ्ज–१६ मा आज घरदैलो तथा अगुवा कार्यकर्ता भेला सम्पन्न गरेको छ ।
आसन्न स्थानीय तहको निर्वाचनका लागि जसपाबाट वीरगञ्ज महानगरको मेयरको उम्मेदवारसमेत रहेका राजेशमान सिंहले निर्वाचित जनप्रतिनिधिले उपलब्धिमुलक काम नगरेको आरोप लगाए । उनले जसपाका उम्मेदवारहरूले मात्र महानगरलाई विकास गर्न सक्ने बताए।
सिंहले आफू महानगरको मेयरको रूपमा निर्वाचित भएपश्चात यहाँको सरकारलाई जनमैत्री र पारदर्शी बनाउने र जनताको घरदैलोसम्म सेवा पुर्याउने प्रतिबद्धता व्यक्त गरे ।
घरदैलोमा मधेश प्रदेशका मुख्यमन्त्री लालबाबु राउतले पनि सहभागीता जनाएका थिए ।
