वीरगंज, १६ जेठ ।
जिल्ला प्रहरी कार्यालय, पर्साले मोटरसाइकल चोरी गरेको अभियोगमा दुईजनालाई पक्राउ गरेको छ ।
पक्राउ पर्नेमा वीरगंज महानगरपालिका–२४ निवासी २२ वर्षीय सुनिल यादव र वीरगंज–१७ निवासी १९ वर्षीय राहुल यादव रहेको जिप्रका, पर्साले जनाएको छ ।
२०७९।०२।१४ गते वीरगञ्ज महानगरपालिका वडा नं. १७ बस्ने रामबिर सहनीको ना.२४ प १२१८ नम्बरको डिस्कभर मोटरसाइकल घर अगाडि पार्किङ गरी राखिएको अवस्थाबाट चोरी भएको प्रहरीले जनाएको छ । सिर्सियामा प्रहरीले चेकजाँच गर्ने क्रममा जेठ १५ गते साँझतिर आइसिपीतिर जाँदै गरेको यादवद्वयलाई चोरीको मोटरसाइकलसहित पक्राउ गरेको जिप्रका, पर्साले जनाएको छ ।
पक्राउ परेका यादवद्वयमाथि चोरी कसूरमा अनुसन्धान भइरहेको प्रहरीले जनाएको छ ।
