वीरगंज, १८ वैशाख ।
जिल्ला प्रहरी कार्यालय, पर्साले मोटरसाइकल चोरी गरेको अभियोगमा तीनजनालाई पक्राउ गरेको छ ।
वीरगञ्ज महानगरपालिका वडा नं.५ कुम्हाल टोल बस्ने वर्ष ६२ को हिमाल गौतमको ना.६४ प ९६०० नम्बरको मोटरसाइकल शनिवार घर अगाडि पार्किङ गरी राखिएको अवस्थाबाट चोरी भएको सूचनाको आधारमा अस्थायी प्रहरी पोष्ट शिवपार्वतीले दुईजनालाई पक्राउ गरेको जनाएको छ । वीरगंज–१० रानीघाट बस्ने वर्ष १८ को कुन्दन साह रर ौतहट राजदेवी न.पा.वडा नं.७ १८ वर्षीय रक्की भन्ने राहुल सिंहलाई पक्राउ गरेको जनाएको छ ।
यसैगरी शनिवार ठोरी गा.पा.वडा नं.१ बस्ने वर्ष ४० को शिवशंकर मण्डलको बा.प्र.०३ प ५३०४ नम्बरको मोटरसाइकल घर अगाडिबाट चोरी भएको थियो ।
इलाका प्रहरी कार्यालय ठोरीले सोही ठाउँ बस्ने निरज सुनुवारको घरमा त्रिपाल र प्लाष्टिकले लुकाइछिपाई राखिएको अवस्थामा सो मोटरसाइकल बरामद गरेको छ । प्रहरीले मोटरसाइकल चोरीको आरोपमा सुनुवारलाई पक्राउ गरेको छ ।
प्रतिक्रिया लेख्नुहोस्