९ लाखसहित भारतीय नागरिक पक्राउ

 
 २०७९।०२।११ गते प्रहरी चौकी ईनर्वा पर्साले वीरगंज म.न.पा.वडा नं.१६ शंकराचार्य गेटबाट भारतको रक्सौलबाट वीरगञ्जतर्फ आउँदै गरेको प्रदेश ३–०२–०११ प ८६२७ नम्बरको मोटरसाइकलमा सवार भारत विहार पूर्वी चम्पारण जिल्ला बेतिया थाना गुर्वालिया कचहरी वडा नं.४ बस्ने वर्ष ४१ को संजय रामलाई पक्राउ गरेको जिप्रका, पर्साले जनाएको छ ।

 
उनले हरियो प्लाष्टिकको झोलाभित्र लुकाई छिपाई राखेको श्रोत नखुलेको रू.नौ लाख पचास हजार बरामद प्रहरीले जनाएको छ । रामलाई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा सम्मानित पर्सा जिल्ला अदालतबाट दिन ७ म्याद थप गरी अनुसन्धान अगाडि बढाइएको जिप्रका, पर्साले जनाएको छ ।