वीरगंज, ३१ असार ।
जिल्ला प्रहरी कार्यालय बारा, कलैयाले ५६ वर्षीया महिलालाई सामूहिक बलात्कार गरेको आरोपमा दुईजना किशोरलाई पक्राउ गरेको जनाएको छ ।
असार २५ गते राति ११ बजे बाराको आदर्श कोतवाल गाउँपालिका वडा नं. १ स्थित आफ्नो गोठमा एक्लै सुतिरहेकी ५६ वर्षीया महिलालाई १५ र १७ वर्षीय दुई बालकहरुले पालैपालो जबरजस्ती करणी गरेको आरोपमा पक्राउ गरिएको जिप्रका, बाराले जनाएकोछ ।
उनीहरुलाई असार २६ गते पक्राउ गरी जबर्जस्ती करणी सम्वन्धी कसूरमा मुद्दा दर्ता गरी बारा जिल्ला अदालतबाट दिन ५ को म्याद थप अनुमति लिई अनुसन्धान गरिरहेको बारा प्रहरी प्रवक्ता प्र.ना.उ. राजेश थापाले जानकारी गराएका छन् ।
