बर्दिबास । महोत्तरीको बर्दिबास नगरपालिका– १ स्थित बजारको जिम हाउसमा आगलागी भएको छ।
आज दिउँसो एक घरको तेस्रो तलामा रहेको स्थानीय युवा व्यवसायी अभिषेक झाले सञ्चालन गर्दै आएको जिम हाउसमा आगलागी भएको हो ।
आगलागी अहिले नियन्त्रणमा आइसकेको ईलाका प्रहरी कार्यालय बर्दिबासका डिएसपि रवि रावलले जानकारी दिनुभयो ।
आगलागीको कारण खुल्न सकेको छैन । बिजुली सर्ट भएर आगलागी भएको हुनसक्ने प्रहरीले जनाएको छ ।
आगलागी प्रहरी र स्थानीयको प्रयासमा अहिले नियन्त्रणमा आएको छ । आगलागीबाट भएको क्षतिको विवरण भने आउन बाकी रहेको छ ।
