सडक मरम्मत नगरेपछि वीरगंज महानगरपालिकाले टेलिकम हातामा सात टयाक्टर फोहर फाल्यो

वीरगंज, २१ चैत ।
नेपाल टेलिकमले सडक मरम्मत नगरेको विरोधमा वीरगंज महानगरपालिकाले टेलिकम परिसरमा फोहर फालेर विरोध प्रदर्शन गरेको छ ।
मंगलवार नगरप्रमुख राजेशमान सिंहको आदेशमा नेपाल टेलिकम क्षेत्रीय कार्यालय श्रीपुर वीरगंजको हातामा सात टयाक्टर फोहर फालेर विरोध प्रदर्शन गरिएको हो ।
नेपाल टेलिकमले इन्टरनेटको फाइबर तार बिच्छ्याउँदा कालोपत्र सडक र फुटपाथ खनेर महीनौंदेखि अलपत्र छाडेको विरोधमा महानगरपालिकाले आज सात टयाक्टर फोहर टेलिकमको हातामा फालेर विरोध गरेको हो । पटक–पटक भत्केको सडक मरम्मत गर्न टेलिकमलाई आग्रह गर्दा पनि कुनै सुनवाइ नभएपछि बाध्य भएर फोहर फालिएको नगरप्रमुखका स्वकीय सचिव सत्यराज घिमिरेले बताए ।