नागरिकता प्रकरणमा निरञ्जन अग्रवाल पक्राउ

 
निरन्जनले जन्मको आधार देखाई २०६३–११–१८ गते जिल्ला प्रशासन कार्यालय पर्साबाट नागरिकता लिएका थिए । नागरिकता लिनुभन्दा अगाडि २०५१ सालमा निरन्जनले सवारी चालक अनुमतिपत्र लिंदा आफुलाई भारतीय उल्लेख गरेका थिए । नरेश ठाकुरले दिएको उजूरीको आधारमा निरन्जनलाई कानुनी प्रक्रिया पुर्याएर गिरफ्तार गरेको पर्सा प्रहरीले जनाएको छ ।

अग्रवालमाथि २०७६/१२/१४ मा सरकारी वकिलको कार्यालय पर्साले किर्ते नागरिकता र सवारी चालक अनुमतिपत्र समबन्ध कसुरमा जाहेरी दर्ता गरेको थियो । जिल्ला प्रहरी कार्यालय पर्साले अग्रवालको ठाकुरराम क्याम्पसनजीक रहेको चकलेट कारखानाबाट पक्राउ गरेको छ । अग्रवाल, भारतको राजस्थानको सरदार शहर (चुल) निवासी हुन । विगतको समयमा अग्रवाल पिंकी सुपारीको नामले चर्चित भएका थिए ।