१२ लाख ३३ हजारको अवैध सामान नियन्त्रण

इलाका प्रहरी कार्यालय अमलेखगंजले आइतवार जीतपुर सिमरा उपमहानगरपालिका वडा नं.२१ अमलेखगंजमा वीरगंजबाट नारायणघढ जादै गरेको बा ३ ख ४९८६  नम्बरको यात्रीबाहक बसमा लोड गरिएको सात लाख ३३ हजार ५०० मूल्य बराबरको बिभिन्न किसिमका मोबाइलको डिस्पले ४८९ पिस नियन्त्रणमा लिएको छ ।

 
यसैगरी प्रहरी चौकी पथलैयाले आज बिहान जीतपुर सिमरा उप–महानगरपालिका वडा नं. १ पथलैया चोकमा रौतहटबाट कास्की जादै गरेको प्र.२–०३–००१ ख ०९५६ नम्बरको ट्रकमा लोड रहेको एक हजार किलो प्याज (करीब पाँच लाख मूल्य बराबर) नियन्त्रणमा लिएको छ ।

 
बरामद सामान र ट्रक कारबाइको लागि आन्तरिक राजश्व कार्यालय पथलैया बारामा बुझाएको जिप्रका, बाराका प्रवक्ता प्रहरी नायब उपरीक्षक दधिराम न्यौपानेले जानकारी गराएका छन् ।