गाँजाको पुडियासहित बालक पक्राउ

वीरगंज, ३० चैत । वीरगंज महानगरपालिका वडा नं. १६ नगवा फुलवारी टोलमा स–साना गाँजाको पोका बनाई नव यूवाहरूलाई बिक्री गरिरहेको सूचनाको आधारमा एकजना बालकलाई प्रहरीले पक्राउ गरेको छ ।
चैत २९ गते दिउंसो ४ः१० बजे वडा प्रहरी कार्यालय विर्ताको प्रहरी टोलीले शेष मखु मियाँको घर खानतलासी गर्दा घरभित्र रातो कालो प्लाष्टिकको साना–साना पोका पारी बिक्री बितरण गर्न राखिएको गाँजा करीब १४ के. जी. २२६ ग्राम  बरामद गरेको छ । सो गांजा बिक्री बितरण  गर्ने १५–१६ को बालकलाई नियन्त्रणमा लिइ लागु औषध सम्बन्धी कसूरमा थप अनुसन्धान कार्य भइरहेको जिप्रका, पर्साका प्रवक्ता तथा सूचना अधिकारी प्रहरी नायब उपरीक्षक हरि बहादुर बस्नेतले जानकारी गराएका छन् ।