वीरगंज, ७ फागुन ।
७१औ राष्ट्रिय प्रजातन्त्र दिवसको अवसरमा वीरगंज कारागारबाट २६ जना कैदीबन्दीको सजाय माफ गरिएको छ ।
विभिन्न सजायमा कैदी जीवन बिताइरहेका आन्तरिक प्रशासनका चौकीदार शेख भोला अन्सारी सहित २६ जनाको कैद माफ गरिएको हो ।
ज्यान मुद्दा, बहुविवाह, ठगी,सवारी ज्यानलगायतको मुद्दामा जेल सजाय भोगिरहेका २६ जनाको कैद माफ गरिएको वीरगंज कारागारका प्रमुख जेलर किरण थापाले जानकारी दिए ।
उनले २५ जना पुरूष र एक जना महिला कैदीको कैद माफ गरिएको बताए । वीरगंज कारागारमा हाल १२ सय ७० जना कैदीबन्दीहरू रहेको छ ।
