फोटोः मेयर विजय सरावगीले फूलको गुच्छा दिएर उपमेयर कार्कीको स्वागत गर्दै । तस्वीरः सौजन्य
वीरगंज, ६ जेठ ।
वीरगंज महानगरपालिकाकी उपप्रमुख ९१ वर्षीया शान्ति कार्कीले कोरोनालाई परास्त गरेकी छिन् ।
कोरोना संक्रमणपछि वीरगंज महानगरको आइसोलेशनमा भर्ना भइ उपचार गराउंदै आएकी उपप्रमुख कार्की आज बिहान कोरोनामुक्त भई घर फर्केकी हुन् । दुर्ई साताअघि उनलाई कोरोना देखिएको थियो ।
बुधवार गरिएको स्वाब परीक्षणको रिपोर्ट नेगेटिभ आएपछि महानगरका मेयर विजयकुमार सरावगीले उपमेयर कार्कीलाई स्वागत गर्दै घर लगेका हुन् । महानगरको आइसोलेशनमा १३ दिन आइसोलेट भएकी कार्कीको रिपोर्ट नेगेटिभ आएपछि उनलाई डिस्चार्ज गरिएको मेयर सरावगीले बताए । उपमेयर कार्कीलाई आइसोलेसन बस्दा धेरै समस्या देखिएन। उनको रेखदेख गर्न एक जना चिकित्सक राखिएको र अक्सिजनलगायत केही पनि आवश्यक नभएको बताइन्छ ।
२०७४ सालमा भएको निर्वाचनमा नेपाली कांग्रेसबाट कार्की उपमेयर निर्वाचित भएकी थिइन। कार्की महानगरको उपमेयर निर्वाचित हुने सबैभन्दा बढी उमेरकी व्यक्ति हुन।
