सर्लाही,२१ असार । सर्लाहीमा भारतीय मोटरसाइकलको ठक्करबाट एक जना बालकको मृत्यु भएको छ ।
बलरा नगरपालिका-७ डुमरिया चोकस्थित बरहथवा-मधुवनी सडक खण्डमा मधुवनीबाट बरहथवातर्फ जाँदै गरेको बीआर ३०एच०४३१ नम्बरको मोटरसाइकलले ठक्कर दिँदा स्थानीय कल्याण मण्डलका ८ वर्षीय छोरा राजा मण्डलको मृत्यु भएको प्रहरीले जनाएको छ ।
ठक्करले गम्भीर घाइते भएका उनलाई उपचारको लागि जिल्ला अस्पताल मलंगवा पठाएकोमा चिकित्सकद्वारा मृत घोषणा गरिएको प्रहरी निरीक्षक कृष्ण गिरीले बताए ।
ठक्कर दिने मोटरसाइकल चालकलाई नियन्त्रणमा लिइ थप अनुसन्धान भइरहेकाे प्रहरीले जनाएको छ ।
