जनकपुरधाम । धनुषा जिल्लाको मिथिला नगरपालिकाले जिल्लामा पहिलो पटक नगरपालिकाको पहिचान समेटिएको पाठ्यक्रम मिथिला ज्ञानमाला विद्यालयमा लागु गर्न लागेको छ ।
नगरपालिकाको ऐतिहासिक पृष्ठभूमिलाई समेटेर तयार पारेको सो नव निर्मित पाठ्यक्रम एक कार्यक्रमका बीचमा नगरपालिकाका प्रमुख हरिनारायण महतोलाई हस्तान्तरण गरिएको छ ।
सभ्यता अनुसन्धान केन्द्रले तयार पारेको नयाँ पाठ्यक्रम पहिलो पटक कक्षा १ देखि ५ सम्म लागु गर्न लागेको मिथिला नगरपालिकाका प्रमुख हरिनारायण महतोले जानकारी दिनु भएको छ ।
मिथिला नगरपालिकासँग सम्झौता गरेर संस्थाले अनुसन्धान तथा छलफलको आधारमा तयार भएको र यस पाठ्यक्रमको माध्यमले मिथिला नगरपालिकाको विषयमा विद्यार्थीहरूलाई कक्षा १ देखि नै ज्ञान हुने विश्वास नगरपालिकाको रहेको छ ।
धनुषा जिल्लाका १८ पालिका मध्ये पहिलो पालिकाको रूपमा मिथिला नगरपालिकाले स्थानीय विषयहरू समेटेर तयार पारेको मिथिला ज्ञानमाला चाडै विद्यालयहरूमा लागु पर्ने प्रतिबद्धता नगर प्रमुख महतोले व्यक्त गर्नु भयो ।
https://ift.tt/3oGGmvo
