वीरगंज । वीरगञ्जमा कोरोना सङ्क्रमितको सङ्ख्या दैनिक उच्च दरले बढ्दै गएको छ ।
नारायणी अस्पताल र इनर्वास्थित हेल्थ डेस्कमा गरिएको पछिल्लो परीक्षणको क्रममा १ सय ९८ जनालाई कोरोना संक्रमण पुष्टि भएको छ ।
नारायणी अस्पतालमा पछिल्लो पटक दुई दिनयता गरिएको परीक्षणको क्रममा ७३ जनालाई कोरोना संक्रमण पुष्टि भएको छ भने बीरगंजको इनर्वास्थित सीमा क्षेत्रमा राखिएको हेल्थ डेस्कमा एन्टिजेन परीक्षणको क्रममा केहि दिनयता १ सय २५ जनालाई संक्रमण पुष्टि भएको छ ।
नारायणी अस्पतालमा मात्रै गए राति सार्वजनिक पिसिआर परीक्षणको रिपोर्ट अनुसार ३५ जना पुरुष र १६ महिला गरी ५१ जनामा कोरोना संक्रमण पुष्टि भएको नारायणी अस्पतालका कोभिड संयोजक डा.उदयनारायण सिंहले बताउनुभयो । अघिल्लो दिन नारायणी अस्पतालमा २२ जनालाई संक्रमण पुष्टि भएको थियो ।
भारतबाट नेपाल भित्रिने नेपाली तथा भारतीय नागरिकलाई कोरोना संक्रमण दर उच्च रहेपछि समुदाय स्तरमा पनि कोरोना संक्रमण फैलिएको हुनसक्ने आशङ्का बढेपछि नारायणी अस्पतालले पनि अहिले परीक्षणलाई तीव्रता दिएको अस्पतालका मेडिकल सुपरिटेन्डेन्ट डा. विरेन्द्र प्रधानले बताउनुभयो ।
आज मात्रै भारतको रक्सौल हुँदै नेपाल भित्रिने यात्रुहरूमा गरिएको परीक्षणको क्रममा १५ जनालाई संक्रमण पुष्टि भएको बीरगंज महानगरपालिकाद्वारा सञ्चालित हेल्थ डेस्ककी इन्चार्ज डा.अनिशा महतोले बताउनुभयो ।
https://ift.tt/eA8V8J
प्रतिक्रिया लेख्नुहोस्