भारतीय चल्ला ओसारपसार गर्ने सवारी साधन भन्सार चलान

 
वीरगञ्ज महानगरपालिका वडा नं.२१ डकैलाबहुअरी सडकखण्डमा भारतबाट नेपाल तर्फ अवैध रूपमा ना.६ प ७६७२ र नम्बर उल्लेख नभएको मोटरसाइकलमा चल्ला ४२०० गोटा ल्याउदै गरेको अवस्थामा प्रहरीलाई देखेपछि तस्करहरु सवारी साधन छाडेर फरार भएको जिप्रका, पर्साले जनाएको छ ।
प्रहरीले बरामद चल्ला पशु क्वारेन्टाइन चेक पोष्ट सिर्सिया मार्फत तिलावे खोलाको बगरमा खाल्डो खनेर नष्ट गरेको जनाएको छ ।

 
त्यसैगरी पुस २४ गते पक्राउ भएको भारतीय कुखुराको चल्ला ३८०० र ओसारपसार गर्ने दुईवटा मोटरसाइकललाई वीरगंज भन्सार कार्यालय बुझाएको जिप्रका, पर्साले जनाएको छ ।