वीरगंज । प्रतिबन्धित भारतीय नोटसहित दुई जनालाई बरामद भएको प्रहरीले जनाएको छ।
शनिवार अपरान्ह ५ः५० बजे इलाका प्रहरी कार्यालय जानकीटोलबाट खटिएको प्रहरी टोलीले जगरनाथपुर गाउँपालिका–२ स्थित सडकखण्डमा ना.१० प ४४६९ नम्बरको मोटरसाइकल रोकी जाँचका क्रममा मोटरसाइकलमा सवार मकवानपुरको राक्सिराङ गाउँपालिका–२ घर भई हाल चितवनको माडी नगरपालिका–९ हनुमानझुला बस्ने ४२ वर्षीय दिपेश हिमडुङ र २६ वर्षीय तिलक हिमडुड्ढो साथबाट स्रोत नखुलेको प्रतिबन्धित भारतीय रुपियाँ बरामद गरिएको जिल्ला प्रहरी कार्यालय पर्साले जनाएको छ।
प्रहरीका अनुसार उनीहरूको साथबाट भारतीय ५०० दरका ३७६ थान नोट (रू. १ लाख ८८ हजार), २०० दरका ७५ थान नोट (रू. १५ हजार) तथा १०० दरका ३६५ थान नोट (रू. ३६ हजार ५००) गरी जम्मा भारतीय रुपियाँ २ लाख ३९ हजार ५०० बरामद गरिएको हो। बरामद रकम, मोटरसाइकल तथा दुवै व्यक्तिलाई नियन्त्रणमा लिएर थप अनुसन्धान अघि बढाइएको जिल्ला प्रहरी कार्यालय पर्साले जनाएको छ।
